O Concello de Brión acolle a representación de «Lémbrame. Spominaj na mnje», coprodución do Centro Dramático Galego e o Bautzen Theater de Alemaña.
A obra, que conta con Borja Insua no elenco, desenvolverase en dous idiomas: galego e sorobio, e foi creada ao abeiro do proxecto Phōnē, no marco do programa Europa Creativa.
Realizaranse dúas funcións para público escolar (alumnado de 5º e 6º de primaria)
Lugar: Centro Social Polivalente
Data: mércores, 2 de abril
Horario das funcións: 11:00 h. e 13:00 h.
FICHA ARTÍSTICA:
DRAMATURXIA: Rafael Rey, Borja Insua, Alba Grande, Anne Jentsch e Karoline Wernicke | ELENCO: Andreas Larrasz, Borja Insua, Alba Grande | ESCENOGRAFÍA E VESTIARIO: Theatre Bautzen e Títeres Alakrán | ESPAZO SONORO: Alba Grande | DURACIÓN: 40 minutos | XÉNERO: Teatro de monicreques e de actor.
SINOPSE:
Lémbrame, Spominaj na mnje é unha homenaxe á memoria, á tradición e á raíz. Unha lenda contemporánea sobre a cultura sorobia e a galega. Os novos tempos traen cambios, nada fica como antes, tampouco para o vello muiñeiro e o seu muíño. O avance do tempo ameaza con desprazar e acabar co oficio que foi transmitido de xeración en xeración.
