Para celebrar o 24 de outubro, Día das Bibliotecas, convidámoste a participar nun espectáculo que combina narración oral e teatro de monicreques: “As peripecias de Xurxo” con Jouse García. Un espectáculo de Malasombra Producións.
DATA: 23 de outubro
HORA: 18:00 h.
LUGAR DE CELEBRACIÓN: Sala Municipal de Exposicións (Casa da Cultura)
Público infantil (recomendado de 3 a 8 anos) | Teatro de títeres – Narración oral
Sinopse:
Xurxo é un señor un pouco imaxinativo, que vai a unha escola de señoras e señores na que sofre bullying, aínda que el preséntase como un apaixonado contador de contos e historias, e ese é o motivo da súa presenza alí. Na súa presentación, ademais de mostrar o personaxe mediante un extraordinario traballo de clown, cóntanos o acoso sufrido na escola de señoras e señores e como se solucionou cando a titora de señoras e señores fixo chamar aos fillos dos acosadores – que cariñosamente teñen unha idade parecida ás nenas e nenos do público – . Esta historia que fala de malos tratos escolares, é o pretexto perfecto de presentación dun home namorado dos libros e dos contos, que con axuda das súas marionetas vén contar a historia que cambiou a súa vida: o día que coñeceu un pequeno animalito cun emocionante periplo vital, que punto estivo de morrer por querer ser diferente.
ENTRADA LIBRE ata completar a capacidade do local. Reserva de localidades neste formulario
Un espectáculo organizado pola biblioteca municipal co patrocinio do programa Ler conta moito da Rede de Bibliotecas de Galicia.
