SITUACIÓN

Pódela atopar na Carballeira de Santa Minia. O edificio construírase en 1929 para alfóndega da feira de Brión e para Casa do Concello.

A súa estrutura arquitectónica en altura divídese en tres plantas, onde se localizan as dependencias destinadas ás areas de Cultura e Deportes, Oficina de Información Xuvenil, Oficina local de emprego e a Sala de Exposicións Municipal, seguindo o seguinte esquema:

No andar baixo inaugurouse no ano 2011 un espazo de 186 metros cadrados, habilitado como sala de exposicións no lugar que anteriormente funcionou e como biblioteca.

No primeiro andar, e coa entrada situada cara a Carballeira de Santa Minia, temos as oficinas dos Departamentos de Cultura e Deportes, Oficina de Información Xuvenil, Oficina de emprego e Oficina Local de emprego.

No segundo andar existe un pequeno almacén.

A un edificio anexo, dependencias que antes ocupaba a casa consistorial, trasladouse a Biblioteca no ano 2011. A biblioteca municipal duplicou desta maneira espazo e estreou salas. Situada na primeira planta da antiga casa consistorial, a nova biblioteca de Brión foi deseñada como un espazo moderno e luminoso que convida a profundar no sempre saudable hábito do estudo e a lectura. A instalación, que duplica espazo con respecto á anterior e estrea dúas novas salas, a de infantil e a de estudo, conta con 11.500 volumes como fondos e permanece aberta ao público a diario.