O dúo MOFA & BEFA presentan “Dúas pedras no camiño”
Público adulto. Comedia.
Data e hora de celebración: sábado 30 de outubro ás 20:00 h.
Lugar: Centro Social Polivalente
Entrada de balde ata completar aforo. Reserva en: entradasbrion@gmail.com (Enviar mensaxe co nome dos asistentes, NIF e teléfonos de contacto) ata as 14:00 h. do día 28 de outubro.
Sinopse:
Dúas pedras no Camiño é un titulo xenérico para un espectáculo antolóxico das pezas míticas que se manteñen na memoria do público: “Aquela obra que viche coa tua nai, agora podes levar ao teu neto” Ao longo da xira poden mudar algunha das pezas a requirimento do público ou dos contextos que aporte o lugar ou o tempo da representación. Sen dúbida, comezará con número titulado: “Os 33 reiseñores da Porqueira” que é o prólogo ideal para calquera evento e un dos números mais sutís e celebrados do dueto. Atrás deste virán os números culinarios, de homenaxe ás grandes figuras do cinema, a escritores inmorredoiros, ou as parodias do circo. O título, “Dúas pedras no Camiño” xoga coas alusións á música popular e a sua filosofía, que nos lembra que unha pedra no camiño pode ser algo que nos ensine e nos transforme, aínda que tamén lembra á función dos cómicos de seren unha pedra no zapato… en fin, rolar e rolar!
Máis información sobre o espectáculo: https://www.excentricas.net/mofa-e-befa
